प्रस्तावना : प्राचार्य डॉ शिवाजी दळणर सर
धनगर समाजाचे भीष्मपितामह भाई आमदार गणपतराव देशमुख उर्फ आबासाहेब यांच्या शुभहस्ते "पुन्हा एक नवी दिशा" या पुस्तकाचे प्रकाशन यशवंत महोत्सव मध्ये करण्यात आले. त्यावेळी उपस्थित मान्यवर माजी आमदार प्रकाश आण्णा शेंडगे, जहागीरदार अमरजितसिंह राजे बारगळ, मा.भुषणसिंह होळकर, प्राचार्य डॉ शिवाजी दळणर सर तसेच अन्य प्रमुख पाहुणे प्रस्तावना (पुन्हा एक नवी दिशा) ✍️ प्राचार्य डॉ शिवाजी दळणर सर पुन्हा एक नवी दिशा देत असताना आमचे समविचारी मित्र श्री नितीनराजे अनुसे यांनी धनगर समाजाच्या वेद काळापासून ते आजच्या अवस्थेचे चिंतन केले आहे. खरंतर धनगर हा वेदात मुळ निवासी गणला जातो. ही माणसं जंगलात गाणी गायची ती गाणी येथील ऋषीमुनींनी जशीच्या तशीच वेदात लिहून ठेवली आहेत. अर्थातच वेद म्हणजे धनगरांची गाणी आहेत. वेदात वनस्पती, प्राणी, झाडे, झुडपे यांची नावे देणारा मुळ पुरुष आर्थातच मुळ निवासी हा धनगरच होता. त्या काळी ऋषीमुनी औषधांची माहिती, शोध धनगरांच्या मदतीनेच घेत असे. वनस्पतींची ओळख सांगणारा, जंगलाच्या सानिध्यात राहणारा सर्वप्रथम मुळ निवासी धनगरच असल्याचे वेदात सांगितले आहे
